Наурызбай ауданы №174 мектеп - гимназиясының 7 - сынып қыздары арасында «ҚЫЗДАРҒА ӨНЕГЕЛІ ТӘРБИЕ БЕРУ ЖОЛДАРЫ» атты жиналысы жүргізілді.

“Отанымыздың да, отбасымыздың да алтын босағасы – әйел адам” - деп дана халқымыз айтқандай ертен-ақ қыз баласының тәрбиесіне аса назар аударған. Осы орайда Алматы қаласы Наурызбай ауданы №174 мектеп - гимназиясының 7 - сынып қыздары арасында «ҚЫЗДАРҒА ӨНЕГЕЛІ ТӘРБИЕ БЕРУ ЖОЛДАРЫ» атты жиналысы жүргізілді. Нәзік жанды қыздарымызға адамгершілік, адалдық, іс-қимыл, жүріс-тұрыс дағдысы, қыз намысы, сымбаты туралы жан-жақты мағлұмат беру мақсатында ұйымдастырылған жиналыс арқылы қыз балалардың бойына рухани -адамгершілік, әдептілік, сыпайылық, тиянақтылық, имандылық, тазалық қасиеттерді дамытуды басшылыққа алдық. Жиналыс барысында, жеке бас гигиенасын сақтау, әдепсіздік пен зиянды әрекеттерден бойын алшақ ұстау керектігі туралы түсіндірме жұмыстары жүргізілді.