Жаңартылған білім беру мазмұны аясында тəжірибе алмасу мақсатында физика-математика бағытында оқытатын Назарбаев зияткерлік мектебінің мұғалімдерімен бірлескен семинар болып өтті.

19 қазан 2018 жылы Наурызбай ауданы 174 мектеп - гимназиясында 2018 жылы 5 қазан күнгі елбасы Н.Ə.Назарбаевтың "Қазақстандықтардың əл-ауқатының өсуі: табыс пен тұрмыс сапасын арттыру" атты Жолдауының "Назарбаев зияткерлік мектептерінің оқыту жүйесі мен əдістемесі мемлекеттік мектептер үшін бірыңғай стандарт болуға тиіс. Бұл мектеп білімін реформалаудың қорытынды кезеңі болады", - деген тапсырмасы негізінде жəне жаңартылған білім беру мазмұны аясында тəжірибе алмасу мақсатында физика-математика бағытында оқытатын Назарбаев зияткерлік мектебінің қазақ тілі мен əдебиеті пəнінің мұғалімі С.С.Смағұлова, тарих пəнінің мұғалімі Ш.М.Аманқұлова, математика пəнінің мұғалімі Г.Қ.Сыздықова жəне физика пəнінің мұғалімі А.А.Мансұровалармен бірлескен семинар болып өтті. Мектеп мұғалімдері мен НЗМ мұғалімдері арасында жаңартылған білім беру мазмұнына байланысты көкейтесті сұрақтарға жауап алынып, семинар жоғарғы деңгейде өтті. Алда екі білім ордасы арасында шығармашылық жəне тәжірибелік байланысты орнату жоспарланды.