23
февраль
2019
"Мектептің Даму жоспарын жасау мен іске асыру барысында басқарушылық шешім қабылдау тәжірибесі" атты республикалық семинар өтті
23 ақпан 2019 жылы Наурызбай ауданы 174 мектеп-гимназияда "Мектептің Даму жоспарын жасау мен іске асыру барысында басқарушылық шешім қабылдау тәжірибесі" атты республикалық семинар өтті. Мақсаты: Жаңартылған білім беру мазмұнын мектепте жүргізудің сапалы, жүйелі жолдарымен бөлісу.
Семинарға қатысушылар: "Өрлеу" БАҰО басшылық курсқа қатысушы республика өңірлерінің мектеп директоры орынбасарлары. Барлығы 40 адам.
Семинар барысында мектеп директоры А.М.Маликова семинарға қатысушыларды мектебімізге келгеніне алғыс айта отырып, білім ордамыздың кірпіші елбасымыз Н.Ә.Назарбаевтың "Рухани жаңғыру" мақаласының "Туған жер" бағдарламасының аясында "Сәби" қайырымдылық қорының салып, мемлекетімізге тарту еткенін айта отырып, ұжымның сапалық құрамы, оқушыларымыз бен ұстаздарымыздың жетістіктерімен таныстырды. Директордың оқу ісі жөніндегі орынбасар В.А.Конкаева Даму жоспары, ондағы атқарылып жатқан іс-шаралар туралы толық айтып шықты. Мектебіміздің белді ұстаздары мен жас мұғалімдері Сандыбаева Г.Б., Алмабаева Г.И., информатика пәнінің мұғалімі Женсикбаев С.К. үштілділікке байланысты және Нұрланқызы Ж. жаңартылған білім беру аясында ашық сабақтар өтті. Семинар соңында коуч-ұстаздарымыз Г.С.Шолпанбекова мен О.Н.Керимбековалар өтілген семинар барысына кері байланыс жасады. Сөз соңында "Өрлеу" БАҰО филиалы ББЖҚ БАРИ Менеджмент және ақпараттық технологиялар кафедрасының аға оқытушысы Іркітбай Ғалым Бұлтұлы мырза бұл тәжірибе алмасу семинары қатысушыларға мектеп басқару ісі мен жаңартылған білім беру мазмұнындағы сабақтарды жүргізуде берері мол басқосу болды деп баға беріп, республикалық марапаттауға ұсынды.
