№174 мектеп-гимназиясында ағымдағы жылдың 1 ақпан күні «Конституциялық құқық: таңдау және сайлау» тақырыбында 11сынып оқушыларымен ZOOM платформасы арқылы дөңгелек үстел өтті.

Еуропалық сайлауды ұйымдастырушылар қауымдастығының бастамасы бойынша жыл сайын ақпанның алғашқы күндерінде Дүниежүзілік сайлау күні аталып өтіледі. Осыған орай, Наурызбай ауданы №174 мектеп-гимназиясында ағымдағы жылдың 1 ақпан күні «Конституциялық құқық: таңдау және сайлау» тақырыбында 11сынып оқушыларымен ZOOM платформасы арқылы дөңгелек үстел өтті.     

Аталған шараны өткізудің басты міндеттері – жастарға сайлау жөнінде толыққанды ақпарат беру, олардың саяси, заңдық сауатын жетілдіру, сондай-ақ қоғам санасында демократияландыру процесінің қайтымсыздығын бекіту, сайлау процесіндегі жетістіктер туралы жұртшылықты хабардар ету және жас сайлаушылар арасында демократиялық құндылықтарға бейілділікті қалыптастыру.