Көк байрағымыз тек биіктен желбіреп, мемлекеттік Әнұранымыз мәңгі шарқырасын!

[media=https://www.instagram.com/reel/CkCxFkyoSvg/?utm_source=ig_web_copy_link]
Көк байрағым желбіреп асқарымда,
Алтын шуақ төксе Күн аспанымда,
Ауыздығын шайнаған арғымақпен
Айға да біз жетерміз қас-қағымда!
Аман болсын туған ел қайғы-мұңнан,
Абай болсын алыс жұрт айбынынан.
Айналаға тарасын жақұт-сәуле,
Аңсап жеткен азаттық таң нұрынан.
Жайым болмас дәл бүгін іркілерге,
Тұяқ тарпып тұлпарым сілкінер де!
Тәуелсіздік, теңдіктің туын тіктеп,
Жар салады жайсаң ұл бүкіл елге!
Көз қызығар көркіне қазанатым,
Тұғырына қонып нық азаматым,
Заулай ағып барады болашаққа,
Жария етіп ғаламға қазақ атын.
Заман-заңғар,
ілесіп ұлы ағынға,
Арғымақтың ойнармын құлағында.
Қазақстан – бақытым, бұлағым да,
Арқасүйер Отаным – қыраным да!

Көк байрағымыз тек биіктен желбіреп, мемлекеттік Әнұранымыз мәңгі шарқырасын!