Мектебіміздің педагог-психологтары АД.Сарбасова, Н.М.Мырзаханова “Әдемі күл, сыпайы жүр, сұлу ойлан" тақырыбында 11 "Ә", 11 "В" сынып қыздарымен тренинг өткізді.

Наурызбай ауданы №174 мектеп - гимназиясында "Қыз қылығымен көрікті" қыздар апталығының онкүндік аясында мектебіміздің педагог-психологтары АД.Сарбасова, Н.М.Мырзаханова “Әдемі күл, сыпайы жүр, сұлу ойлан" тақырыбында 11 "Ә", 11 "В" сынып қыздарымен тренинг өткізді.
Тренингтің мақсаты: қыздарға психологиялық қолдау көрсету, мотивация беру, алдағы ұлттық бірыңғай тестілеу кезіндегі қорқыныштарынан арылту, және Қазақ қоғамына еңбегі сіңген қайраткерлердің қайсарлығы мен өжеттіліктерін дәріптеу. Тренинг барысында оқушылар Кеңес одағының батыр қызы Әлия Молдағұлова, Халық қаһарманы, КСРО және Қазақстан Республикасының халық әртісі Роза Бағланова, Қазақ ақыны, халық жазушысы, журналист, Қазақстан республикасының Парламенті мәжілісінің I және II шақырылымдарының депутаты Фариза Оңғарсынова жайында постер қорғады. Тренинг барысында мотивациялық бейне-фильм көрсетілді. Оқушыларға су терапиясы жүргізіліп, қанатты сөздер жазылған тәттілер ұсынылды.