8 маусым күні “Қазына” жазғы сауықтыру этнолагерінде Мемлекеттік рәміздер күнін мерекелеу бойынша әртүрлі іс-шаралар атқарылды.

Мектеп алдында оқушылар мен ұстаздар Мемлекеттік гимнді шырқап, патриоттық сезімге бөленді. Топ ішінде балалар рәміздердің суретін салып, киізден тудың бейнесін жасады. Мемлекеттік тудың авторы Шәкен Ниязбековтің 85 жылдығына орай өмірі мен шығармашылығына байланысты видеоролик тамашалады. Сонымен қатар кітапханада оқушыларға рәміздерге байланысты қызықты ақпараттарға толы видеоролик көрсетілді. Онда бейнеленген әр суреттің, әр түстің нышаны атап өтілді. 
Қыздарға арнап Зейнепхан әженің шеберлік сабағы өтті. Сабақта олар кәделі ас «Жент» жасалу технологиясымен танысып, жасап үйренді. Өз қолдарынан шыққан тәттінің дәмін татты. Спортзалда бүлдіршіндеріміз арқан тартыста бақ сынасып, жүлделі орындарға ие болды. Этнолагерьдің балаларға арналған іс-шаралары күн өткен сайын қызықты болуда.