Алматы қаласы Наурызбай ауданы #174 мектеп - гимназияда 11 - сынып оқушыларымен “ЕНТ-ға дайындаудың тиімді жолдары” атты тақырыпта түсіндірме жұмыстары жүргізілді.

📚ЖАС ТҮЛЕКТЕР НАЗАРЫНА!!!📚 Грантқа түсу үшін өткізілетін ЕНТ 15 - сәуірде басталады!
Осыған орай, Алматы қаласы Наурызбай ауданы #174 мектеп - гимназияда 11 - сынып оқушыларымен “ЕНТ-ға дайындаудың тиімді жолдары” атты тақырыпта түсіндірме жұмыстары жүргізілді.
Сонымен қатар, негізгі пән мұғалімдері онлайн форматта 11 - сынып оқушыларымен тестке дайындық жұмыстарын өткізуде. ЕНТ - ның өткізілу форматы, төмендегідей талаптарға негізделген: 👇👇👇👇👇👇👇👇👇👇👇
🔹Мемлекеттік білім грантын тағайындау конкурсына қатысу үшін ЕНТ 15 сәуірде басталып, 30 маусымға дейін жалғасады. Тестілеу алғаш рет электрондық форматта өтеді. Бұл ашықтықты қамтамасыз етеді.
🔹ЕНТ-ға өтінішті http://app.testcenter.kz/ сайты арқылы беруге болады.
🔹ЕНТ электрондық форматта "бір тестіленуші – бір компьютер – бір камера" қағидаты бойынша ұйымдастырылады. Аудиторияда не болып жатқанын көрсететін камералардан басқа, тестіленуші отыратын әр үстелдің үстінде тағы бір камера орнатылады. Прокторинг пен бейнебақылаудың заманауи жүйесі және ЕНТ-да бөгде адамдарды болдырмау үшін Face ID цифрлық сәйкестендіру құрылғысы пайдаланылады.
 🔹Ережелердің сақталуын арнайы компьютерлік бағдарлама бақылайды, Ол тыйым салынған заттарды қолдану фактілерін автоматты түрде анықтайды. Егер ЕНТ тапсыру кезінде талапкердің смартфон, шпаргалка және т.б. тыйым салынған заттарды пайдаланғаны анықталса, тестілеу автоматты түрде тоқтатылады, тестіленушінің нәтижелері жойылады.
🔹Тестілеу процесін қосымша ахуалдық орталық бақылайды. Сондай-ақ ашықтық пен объективтілікті қамтамасыз ету үшін ЕНТ-ны өткізу рәсіміне Қазақстан Республикасы Сыбайлас жемқорлыққа қарсы іс-қимыл агенттігінің Арнайы мониторингтік тобы мен "Адалдық алаңы" жобалық кеңсесінің өкілдері шақырылатын болады.