Кітап-ой сананың қозғаушы күші. Әсіресе, өскелең ұрпақты қазақ тілінің кәусар бұлағынан сусындатып, елжандылыққа тәрбиелеуде қазақ балалар әдебиетінде теңдесі жоқ туындылар жеткілікті. Осы орайда Алматы қаласы Наурызбай ауданы №174 мектеп-гимназия бастауыш сыныптарының арасында «Оқуға құштар мектеп» бағытында түрлі оқу жұмыстары жоспарланған оқырмандар айлығы басталды. Аталған іс-шараны Бердібек Соқпақбаевтың «Менің атым – Қожа» шығармасын оқып талдау онкүндігімен 4-сынып оқушылары бастады.