Дәстүрлі оқу форматына дайындық Жаңа оқу жылында 3 млн 600 мың бала мектепке барады деп күтілуде. Оның 380 мыңнан астамы алғаш рет мектеп табалдырығын аттамақ. Қазір барлық білім ошағында оқу маусымына дайындық қыза түсті. Апта соңына дейін мектептер санитарлық құрал-жабдықтармен қамтамасыз етіліп, сақтық шараларын күшейтуі тиіс. Биыл оқушылар бастауыш, орта және жоғарғы сынып деп үшке бөлініп білім алады. Әр топтың кіреберісі, үзілісі мен асханаға бару уақыты да әр түрлі болады.