№174 мектеп-гимназиясында Мұқағали ақынның 90 жылдық мерейтойы қарсаңында жауһар жырлары мен шығармашылық жолдарынан сыр шертетін "Мен өмірді жырлау үшін келгенмін..." деген атаумен Мұқағали бұрышы бой көтерді.

Мұқағали Мақатаев - ғасыр ақыны. Ол қазақ поэзиясына шетсіз-шексіз кеңістік пен Мұзарт тауындай биіктік әкелген, кәусар сезім мен шалқыған шаттық, буырқанған шабыт пен сабырға көнбес шабыт сыйлаған ақын. Құдіретті қарапайымдылықпен "күпі киген қазақтың қара өлеңін шекпен жауып өзіне қайтарған" ақын. Аққудың қанатына мәңгілік жыр жазып қалдырған сыршыл ақын....
№174 мектеп-гимназиясында өмірден ерте өтсе де, мәңгілік ғұмыр кешкен Мұқағали ақынның 90 жылдық мерейтойы қарсаңында жауһар жырлары мен шығармашылық жолдарынан сыр шертетін "Мен өмірді жырлау үшін келгенмін..." деген атаумен Мұқағали бұрышы бой көтерді. Қазақ тілі мен әдебиеті пәні мұғалімдерінің ұйымдастыруымен жасалынған бұл ұжымдық жұмыстың ұрпақ болашағы үшін тәлімдік те, тәрбиелік мәні зор деп білеміз. Өлең патшалығында ойып алар орны бар ақын мұрасы мәңгілік, олай болса, поэзия періштесіне деген құрмет те мәңгілік болмақ....