Абай оқулары

Абай - қазақ халқының ұлттық ұраны. Ақынның жауһар мұрасы - рухани жанымызды байытатын теңіздей терең тылсым дүние...
Қазақ халқының мақтанышына айналған ұлы тұлғаның 175 жылдығына орай, Абай және Шәкәрім шығармаларындағы эстетикалық талғам мен тұлғалық қасиетті насихаттау, ұлылар поэзиясына, ұлттың рухани мұрасына деген сүйіспеншілікті арттыру мақсатында өткен қалалық Абай оқуларына #174 мектеп - гимназиямыздың 9 "Б" сынып оқушысы Ералиева Айсулу қатысып, "Ұлылар әлемі" номинациясы бойынша БАС ЖҮЛДЕНІ қанжығасына байлады. Қазақ тілі мен әдебиеті пәнінің мұғалімі, рухани жетекшісі Искакова Жадыра Қанатбайқызының жетекшілігімен жас өркеннің ақын шығармашылығына деген құрметін әсерлі жазған туындысынан байқауға болады. Нұрлы өмірге жол салып берген ақын мұрасын бүгінгі жас ұрпақ жадында сақтап өссе, ақын есімі мәңгілік жасай бермек...