26
февраль
2022
Ас мәзіріндегі тағамдардың пайдасы
Банан депрессиямен күресуде көмектеседі. Оның құрамында триптофана заты бар. Бұл триптофаннан қуаныш гормоны серотонин синтезделеді. Сондықтан бір банан жеп көңіл күйді айтарлықтай жақсартуға болады.- Банан әлемдегі аллергия тудырмайтын жалғыз ғана жеміс. Тіпті жас нәрестелерде де банан ешқандай гиперсезімталдық яғни аллергия көріністерін бермейді.
- Сүйектерді қатайтады. Банан арқасында ағзадағы кальций жиналып тұрады. Қалыпты жағдайда ағзадан кальций сынды пайдалы минералдар зәрмен сыртқа шығып кетіп отырады. Ал банан әсерінен керісінше кальций жиналып, сүйектерді қатайтуға қатысады. Бұл әсіресе кофе ұнататын адамдарға пайдалы, себебі біле білсеңіз кофе керісінше ағзадан кальцийдың шығарылуына септігін тигізеді.
- Ішек микрофлорасын жақсартады. Банан құрамындағы ферменттер арқасында ағзаға тағаммен түскен пайдалы заттар әдеттегіден қарағанда жылдамрақ сіңіріледі.
- Іш қату. Іш қатуы бар адамдар үшін банан өте пайдалы жеміс. Әрдайым банан жеу іш қатудан мықты қорғаныш.
- Банан асқазандағы изжога секілді жағымсыз жағдайдан құтылуға да бірден бір себеп.
- Асқазан жарасы. Банан жегеннен кейін ол асқазан шырышты қабатында қорғаныш қабатын түзеді. Соның әсерінен ондағы қышқылды агрессивті заттар асқазан шырышына зиянын тигізе алмайды. Бұл әсіресе асқазан жарасымен аурыратын адамдар үшін пайдалы. Себебі асқазан әртүрлі бөліменде орналасқан жараларды жауып, қышқылдан қорғаған сайын, оның жазылуы да жылдамрақ жүреді.
Сәбіз құрамындағы А дәрумені адамның бойын өсіреді, көру қабілеті мен теріні жақсартуға ықпал етеді. Бұл дәрумен жұмыртқа, бауыр және сүт өнімдерінде кездеседі. Сондықтан да, сәбізді осы тағамдармен бірге пайдаланса болады. Сәбізді қаймақпен араластырып пайдаланса, оның құрамындағы каротиннің едәуір бөлшегін адам ағзасы өзіне оңай сіңіре алады.
Қырыққабаттың пайдасы:
- Қырыққабаттың ең үлкен пайдасы онда С дәруменінің мөлшері көптігінде. Оған қоса, қырыққабатта Е, В1, В2, В3, Р, РР, Н, каротин, D провитаминдері бар.
- Қырыққабаттың құрамында крахмал болмағандықтан және сахарозаның мөлшері аз болғандықтан, ол қант диабетімен ауыратын адамдар үшін пайдалы.
- Қырыққабаттың құрамында жасұнықтардың көптеп кездесуі себепті ол ішек қызмеін жақсартады. Сондықтан оны іш қату, геморрой кезінде пайдаланған тиімді.
- Құрамындағы жасұнықтар себепті қырыққабат атеросклероздың алдын алып, ағзадан шлактар мен холестеринді шығарады.
- Қырыққабаттың құрамында U дәрумені бар. Бұл дәрумен асқазан-ішек жолдары жарасы, гастрит, ойық жаралы колитті емдеп, бауыр қызметін жақсартады.
- Қырыққабаттың құрамында ағзадағы зат алмасуына міндетті түрде керек К дәруменінің көп мөлшері бар. Ол жаралардың тез жазылуына, қанның жылдам ұюына, сүйек пен тістердің дұрыс қалыптасуына, бауыр қызметіне көмектеседі.